اغار عليك من كلبي والعيون
ولذالك اني حاير وين اشيلك
وحقي اني ما اجيلك
اني معذور اغار عليك مني وما اجيلك
دخيلك ربي من الموت ما اصيح
من زعلك صحت يا ربي دخيلك
تتكلب علي بس ما أبدلك
ابدلك بيش بس انت بديلك
تتباها بجمالك انت معذور
على الاجيال بيك تباها جيلك
عليل بحبك حيل مرتاح لان كامو يسموني عليلك
اذا مرات افكر اشتكي عليك
اجيك اركاض من عندي اشتكيلك
مو احلاهم انت بس دخت بيك
همه الاحلى بس محد حلالي
وحب من طرف واحد حبي وياك
واكل للناس بس حبك مثالي
ولحد الان بس انت اقتنع بيك
ولحد الان بس انت ابالي
اذا يحجون ما اسمع شيحجون
واذا تسكت اسمعنك ياغالي
شرجي وتخنك الريه واشم بيك
واكل للريه يمعوده شمالي
واذا تاكل بكلبي وما اخليك
احس مقصرومدري شجرالي
عليك ابجي وعلي تضحك
وازكيك واكول شكد حنين شكد بجالي
اكلك غالي وتغلس واحاجيك وتلبسني
واكلهم كلي غالي
احبك غير احبك غير اداريك
وغير انت تبهذلي حالي
وما ترهملي بس تفصال احس بيك
ومر تكتل واضوكك حلو شمحلاك
واغمض عيني مغمضه وتصد ليك
افك عيني على غيرك انت الكلك
هلا بجيتك اصيح وانت ما جاي
واقشمرني واكوم اشابك وياك
بدونك عندي حتى العيد مو عيد
وبعاشور جنه العيد ملكاك
تسواني وتسوه الراح والجاي
وتسوه الكلشي وحتى تسواني
منقول