من احجي ازعل والصراحه تريد ومين ابدي وياج سالفتي
اذا ويه العشگ معركتي فضت بيوم أضن ويه الوكت ما تفض معركتي
شعلتي النار بيه جن ولا تدرين جذبتي عليه اهواايه جذبتي
هي : اجذب .؟
اي بس ولا كتلج فد يوم اعالج قهر كلبي بحسرتي وصمتي
بجيتي وصدكت لآن كلبي طيب دوم صدك بيج لمن على الهوه احلفتي
وشحجي وياج هو شضل بعد واحجي واخاف عليه هو اني ويه روحي ما كعد بختي
هي : لا احجي الي بكلبك وبين المضموم بعدي عندك حجي الي تحتاجه ذاكرتي
كتلج اني ازعل مو حجي الي ينكال
هي : اي احجيلي بله خلي اشوف
ها شفتي بعدني ما كلت كل شي ومبين زعلتي .!
هي : لا احجي الي عليه وسوالف شمتريد من عندك اني اريد افتهم قصتي
تفتهمين عود انتي بحياتج كل شي ما اعرفتي حجولي اهواي لاكن جذبت من كالو
بس العين شافت وهاي مشكلتي شفتج ويه غيري بضحكه تشاقين
هم جذبي عليه كولي ابن عمتي
ولج شحجي وشسولف والكلب شيصير مو بيج امنت شو بلعجل خنتي
يا فشله كليبي الي صدك بيج واختارج حبيبه عمره بس انتي
هي : كافي كافي ارجوك وافهم حبي الك
لا هم كبل كلتي اخيرآ هذا حدي ونفترق منا
ردتها وياج عدله وانتي ما ردتي